പത്ര താളുകളില്‍ നിന്നും കുറ്റകൃത്യങ്ങളുടെ കഥകള്‍ ഉയര്‍ത്തുന്ന ഉള്‍കിടിലത്തോടെയാണ് ഓരോ ദിവസ്സവും തുടങ്ങുന്നത് .വലിയ ശതമാനം പേര്‍ വിദേശത്ത് ജോലി ചെയ്യുന്ന കേരളത്തിലെ പല വീടുകളിലും പ്രായമായവര്‍ മാത്രമാണ് താമസിക്കുക .അവരുടെ സുരക്ഷിതത്വം പലപ്പോഴും മക്കളുടെ ആശങ്കയാണ് .
സ്വന്തം വീടിന്റെയും വീട്ടിലുള്ളവരുടെയും സുരക്ഷിതത്വം ഉറപ്പാക്കുന്നതിനു പുതിയ സാങ്കേതികവിദ്യകള്‍ ഒരു പരിധി വരെ ഈ അവസ്ഥയില്‍ സഹായിക്കുവനുണ്ട് .വീട്ടുടമയുടെ വിരലടയാളം കൊണ്ട് മാത്രം തുറക്കപെടുന്ന വാതിലുകളും ,വീടിനു മുന്നില്‍ വന്നെത്തിയ സന്ദര്‍ശകരെ വീടുനുള്ളില്‍ ഇരുന്നു കാണാന്‍ കഴിയുന്ന ഷോര്‍ട്ട് സര്‍ക്വീട്ട് ടീവിയും ,വീഡിയോ ഫോണും ,
ലോകത്തിന്റെ ഏത് ഭാഗത്തിരുന്നും ഓഫീസിലിരുന്നു കൊണ്ട് സ്വന്തം വീടിന്റെ ചുറ്റുപാടുകളും മുറികളും നിരീക്ഷിക്കാനുള്ള സംവീധാനങ്ങള്‍ ഇപ്പോള്‍ ലഭ്യമാണ്. വീട്ടില്‍ ഏതെങ്കിലും സുരക്ഷ പ്രശ്‌നമുണ്ടായാല്‍ മൊബൈല്‍ ഫോണിലേയ്ക്ക് സന്ദേശം വരുന്ന തരത്തില്‍ സജ്ജീകരിക്കാവുന്ന സുരക്ഷാ ക്രമീകരണങ്ങള്‍ ലഭ്യമാണ് .
വാതില്‍ തകര്‍ക്കുന്ന അക്രമികളില്‍ നിന്നും രക്ഷ നേടാന്‍ ,വാതില്‍ പൂട്ടുകള്‍ കുത്തി പൊളിക്കാന്‍ ശ്രമിച്ചാല്‍ അലാറം മുഴയ്ക്കുന്ന തരത്തിലുള്ള വാതില്‍ പൂട്ടുകള്‍ ഇപ്പോള്‍ വിപണിയില്‍ ഉണ്ട് . തീ പിടിത്തമുണ്ടായാലും ഈ വാതിലുകള്‍ സൂചനകള്‍ നല്‍കും .
വീട്ടില്‍ സൂക്ഷിക്കേണ്ടതായ വിലപിടിപ്പുള്ള വസ്തുക്കള്‍ക്ക് കൂടുതല്‍ സുരക്ഷയ്ക്കായി ഉറപ്പാര്‍ന്നതും നമ്പര്‍ ലോക്ക് ചെയ്യാവുന്നതുമായ ലോക്കറുകള്‍ ലഭ്യമാണ് .അനാവശ്യമായി കടന്നു വരുന്ന അപരിചിതരായ കച്ചവടക്കാര്‍ ഇതു തരക്കാരാണെന്നു പറയാനാവില്ല .ഗേറ്റില്‍ നിന്ന് തന്നെ വീടിനുള്ളില്‍ ഉള്ളവരോട് സംസാരിക്കാന്‍ സാധിക്കുന്നത് കൊണ്ട് അനാവശ്യ സന്ദര്‍ശകരെ ഒഴിവാക്കുവാന്‍ സാധിക്കും .
പുതിയ കാലത്തിന്റെ ആവശ്യം മുന്നില്‍ കണ്ടു കൊണ്ട് നിര്‍മാണവേളയില്‍ തന്നെ വീടുകളില്‍ സുരക്ഷാ സാങ്കേതികങ്ങള്‍ ഘടിപ്പിക്കുവനുള്ള സംവീധാനം ഒരുക്കേണ്ടതാണ്. ദീര്‍ഘ കാലത്തേയ്ക്കുള്ള ഉപയോഗം മുന്നില്‍ കണ്ടു കൊണ്ട് ഉയര്‍ന്ന നിലവാരമുള്ള ഉപകരണങ്ങള്‍ വേണം ങ്ങുവാന്‍ .പരിചയ സമ്പന്നരും ഗാരന്റിയും സര്‍വീസും നല്‍കുന്നവര്‍ നിന്ന് വേണം സുരക്ഷാ സംവീധാനങ്ങള്‍ ഘടിപ്പിക്കേണ്ടത്
